Hot compress mo lang yan!!!!

Isang early 40s, male pt, and diabetic ang sugat na ito. Paano sya nagkasugat? Nag apply ng hot compress and ito na ang kasunod na nangyari.. Sunog!

Isang bagay kapag meron na tayong diagnosis na Diabetes ay napaka importanteng mag ingat tayo sa ating approach sa sugat at lalong lalo na sa treatment modalities na gagawin natin sa ating paa.

Bakit sa paa eh diabetes ang usapan nurse? mukhang mali ang sinasabi mo!

HERE’S WHY

Kapag may diabetes ka, ang matagal na mataas na blood sugar ay nagdudulot ng malalang complications—lalo na sa paa. Kung hindi aalagaan nang maayos, ang maliit na paltos o sugat ay pwedeng maging severe infection na mahirap gumaling. Sa worst cases, ito ay pwedeng humantong sa amputation (pagputol ng paa).

Bakit nga? Dahil sa

Diabetic Neuropathy (nerve damage)

Sinisira ng high blood sugar ang nerves sa paa at binti. Dahil dito, nagkakaroon ng numbness—hindi mo mararamdaman kung may sugat, paso, o paltos. Pwede ring magkaroon ng dry, cracked skin na pwedeng pagmulan ng infection.

So anong pagkakamali dito? Nag apply ng hot compress at dahil wala pakiramdam sa mga daliri na maari ding hindi pinasuri sa doctor ang presence ng neuropathy kaya blinded si patient sa condition.

Kasama pa rin dito ang aspeto na KUNG ANO ANG KAYA MO INIT AY OK LANG YAN CONCEPT na minana natin sa ating mga magulang at lolo at lola na delikado sa ating conditiond dahil nga sa paghina ng mga nerve or shall we say DAMAGE.

So papano maiiwasan ito kahit na gusto pa rin mag hot compress?

Simple ang solution gumamit ng isang layer ng protection which is kahit anong tela at huwag i direct sa skin ng hot compress plastic. Pero bago yan dapat ay alamin muna ang temperature ng ating ilalagay na compression at applicable ito hindi lang sa mainit kundi pati sa malamig.

Tandaan na kapag may commorbidities na gaya ng diabetes medyo ingat tayo kasi konting paltos o kamot ay maaring maging malaki ang epekto nito sa ating kalusugan at mapapagastos tayo ng malala.

Ingat mga ka sugat at happy SUNDAY